Poetry

حبِّك الله و نقّاكي




من لمّا كنتي طفلة صغيرة، حَبّك الله ونقّاكي

اختارك لتمشي درب الحب، ومن البداية خلّاكي

تكوني إنت إمّ الكلّ وبقلب طاهر حلّاكي

ومن كتر ما قلبك حبّو، أجمل ما عندو عطاكي

عطاكي إبنو لتكوني إمّ ، وللمسكونة شفيعة

وبالنَّعم الّي طلعت منّك ، إمّ النّعمة سمّاكي.

 

كنتي بعمر تلات سنين لمّا دخلتي لهيكل الرّب

وكنتي عطول تصلّي وتدعي وتطلبي نِعَموا الّي كلّا حب

وبس كبرتي وحَبِّك يوسف، صلّيتي لربّك تينوّر هالدّرب

قلتيلو يا ربّي وحبيبي، الطّريق لو قد ما كان صعب

بحُبّك يا إلهي بمشيه، ولإسمك بكرّس سنيني وهالقلب.

 

وبهاك اللّيلة المجيدة، بعتلك الله رسالة من نور

يخبّرك فيها عن حبّو وإرادتو لتصيري إم الكون

وبس قلتي النّعم يا مريم، كلّلك بإكليل من بخّور

ولبّسك أجمل ثوب بهالدّني ملوّن من ١٠٠ لون ولون

وهداكي العالم وكل شي فيه بطفل صغيّر مكلّل بزهور

جايي لعنّا يعلّمنا الحبّ وبحبّو يغيّر وجّ الكون.

1 Comment

1 Comment

  1. Rory

    November 23, 2020 at 1:13 pm

    I love it! Gid bless you ❤

Leave a Reply

Your email address will not be published. Required fields are marked *

Most Popular

To Top