Poetry

إنت كلّ الحب يا عذرا

يا عذرا يا إم الكلّ

يا نور جايي من السّما

نوّرتي قلوبنا بالحب

ودروبنا بالصّلاة نرسما.

إمّ الكل و إم يسوع

عدرب الخلاص مشيتي

ضوّينالك الدّني شموع

إنتي الّي همومنا ما نسيتي.

كل ما توجّعنا منلجألك

لأنّو منعرف إنك الحُب

والحُب الّي بيجي منك

هو الّي شرب منو الرّب.

ربّ السّما لمّا قلّك

لا تبكي عليّ يا إمّي

نزلوا دموعك متل الشّتي

وزادوا وجاعك و عتلتي همّي.

أنا هالإنسان الضّعيف

الّي بوقع و بغلط كتير

و أوقات ما بعود شوف الخير

و بصير متلي متل الضّرير.

إمّي يا نور هالدّني

الّي بطُلّ علينا من ورا الغيمات

اغمريني لقلبك و ساعديني

إقدر إتخلص من كل التّوهمات.

لإرجع شوف بعيوني الحياة

متل ما يسوع رسمها، حلوة

ولوّنها بإنجيلو أجمل لوحات

وإنشرها بالعالم و خلّيها تضوي.

تضوي عالعالم كلّو و بإسمو

يرجع الحب يملا الكون

ونرجع أبناء النّور و نكمّل

مسيرتو و رسالتو الّي بلّشها من هون.

وكمّلها بصعودو للسّما و عطاكي

المجد و إكليل مزيّن بالورد

ما إنتي إمّو و إمنا كلنا

الّي مش ممكن بحضنها نعرف البرد.

Click to comment

Leave a Reply

Your email address will not be published. Required fields are marked *

Most Popular

To Top